វត្តត្រលែងកែង

វត្តត្រលែងកែងជារាជធានីចាស់​ ស្ថិតនៅក្នុងឃុំលង្វែក ស្រុកកំពង់ត្រឡាច មានចំងាយ​២៤​គ.ម ពីទី រួមខេត្ត​ និង៧៦គ.ម ពីភ្នំពេញ។  វត្តត្រលែងកែងមានព្រះវិហារចំនួនពីរ ដែលព្រះវិហារមួយ ជាព្រះវិហារ ត្រលែងកែង ដែលមានតំកល់បដិមាព្រះបួនអង្គទ្រង់ឈរ​ ឆ្ពោះព្រះភក្រ្ត័ទៅបួនទិស (បើតាមព្រះភ័ស្រ្ត និងព្រះភ័ក្រ្ត ព្រមទាំងការតុបតែង ប្រហែលជាព្រះពុទ្ធសេអារ្យមេត្រីទេដឹង?) (ដោយឡែកយាយជី ដែលសំណាក់ទីនោះ ហៅទ្រង់ថាព្រះម៉ែទៅវិញ?) ដោយសារតែ មាន ព្រះបួនអង្គទ្រង់ឈរឆ្ពោះទៅទិសទាំងបួន ព្រមទាំងព្រះវិហារមានរាងជាកាកបាទដូចនោះហើយទើប គេហៅថា ព្រះវិហារត្រលែងកែង។   (នៅក្នុងព្រះវិហារត្រលែងកែង គេក៏សង្កេតឃើញ ព្រះបាទ ព្រះតាំងពីបុរាណទាំងបួនទិសដែលនៅសេសសល់ពីការវាយបំផ្លាយពីសំណាក់សៀម ក្រោយពីបែក បន្ទាយលង្វែកផងដែរ​ ចំណែកព្រះដែលតំកល់សព្វថ្ងៃគឺជាបដិមាទើបសាងសង់ថ្មីប៉ុណ្ណោះ)។

រីឯព្រះវិហារមួយទៀត តំកល់រូបសំណាក់ព្រះគោព្រះកែវ។    តាមការចុះសិក្សាទៅដល់ផ្ទាល់ដូចនេះ ខ្ញុំបាទគិតថា ក្នុងរជ្ជកាល ព្រះបាទអង្គចន្ទរាជា (១៥១៦-១៥៦៦)​ ជាស្ថាបនិករាជធានីលង្វែក ទោះបីជាទ្រង់កាន់ព្រះពុទ្ធសាសនា ក៏ពិតមែន តែទ្រង់ក៏ពុំចោលព្រហ្មញ្ញសាសនាសោះនោះដែរ ជាហេតុធ្វើឲ្យសន្និដ្ឋានបានថាវត្តត្រលែងកែងមានព្រះវិហារពីរ វិហារមួយឧទ្ទិសដល់ព្រះពុទ្ធសាសនា ដែលមានតំកល់ព្រះពុទ្ធត្រលែងកែង រីឯព្រះវិហារមួយទៀតឧទ្ទិសដល់ព្រហ្មញ្ញសាសនា ដែលតំកល់ រូបសំណាក់ព្រះគោព្រះកែវ (ព្រះគោព្រះកែវ ដែលសៀមលួចយកទៅ)។ នៅក្នុងឃុំលង្វែកនោះដែរ គេជឿថាដើមស្វាយមួយដើម ដែលមានដើមជ្រៃដុះព័ទ្ធជាមួយផងជា ដើមស្វាយ ដែលម្តាយព្រះគោ ព្រះកែវបានឡើងបេះ ហើយដែលអ្នកស្រុកបានហៅស្វាយនោះថាជា ស្វាយពាន់ ។

ខ្លោងទ្វារចូលវត្តត្រលែងកែង

ព្រះវិហារត្រលែងកែង

ព្រះបដិមាត្រលែងកែង ដែលទើបកសាង

ព្រះបាទព្រះបដិមាត្រលែងកែងដែលនៅសេសសល់

វិហារព្រះគោព្រះកែវ

បដិមាព្រះគោ ក្នុងវិហារ

ស្រះនាងពៅ ដែលព្រះគោនិមិត្តថ្វាយ

ស្វាយពាន់